მთავარი

ამბობენ, რომ „დეტექტივების დედოფალი“ - აგატა კრისტი საკმაოდ მწყრალად იყო მართლწერასთან და მისი ნაწარმოებების ენობრივ სრულყოფაში დიდი წვლილი მიუძღვით გამომცემლობის რედაქტორებს. მსგავსი რამ ბევრ სხვა მწერალსაც ჭირდა. მაგრამ ეს სულაც არ აკნინებს ტალანტს. ნიჭი, რომელიც ღმერთმა შემოქმედს დააბერტყა, არ გააჩნია რედაქტორს, სამაგიეროდ რედაქტორი ფლობს იმ იარაღს - მართლწერის ცოდნას, რომელიც გამოჩენილ მწერალს ეხმარება იმაში, რომ მკითხველამდე მიიტანოს მისი გენიალური სათქმელი.

ბუნებრივია, ლიტერატორზე მეტად შეცდომებს სხვა პროფესიების წარმომადგენლები უშვებენ. არადა, ბევრ ჩვენგანს ადრე თუ გვიან შეუჩნდება ხოლმე „წერის ჭია“, რომელიც მოსვენებას არ გვაძლევს - ამ დროს გვიჩნდება მოთხოვნილება, მკითხველს გავუზიაროთ ჩვენი ნაფიქრი და განცდილი, მოვუყვეთ ჩვენს თავს გადახდენილი საინტერესო ამბები.

ნებისმიერ ტექსტს, რომელიც 99-მა ადამიანმა მაინც უნდა წაიკითხოს, პროფესიონალის თვალი და ხელი ესაჭიროება. ჩვენც სწორედ ამ მომსახურებას გთავაზობთ: ექიმი ხართ თუ მასწავლებელი, ინჟინერი თუ მსახიობი - თუ თქვენი აზრებისა და გრძნობების საზოგადოებისთვის გაზიარება გსურთ, ამას ყველაზე უკეთ ჩვენი თანადგომით მოახერხებთ. თუ გადაწყვიტეთ, პოპულარული ენით ახსნათ თქვენი დარგის აქტუალური პრობლემები, ტექსტის გამარტივებაში დაგეხმარებით, ხოლო თუ ნაშრომი მხოლოდ თქვენი კოლეგებისთვისაა განკუთვნილი, მაშინ სპეციფიკური მასალის დახვეწილი ქართულით გადმოცემაში შეგიწყობთ ხელს.

მოგვანდეთ თქვენი ნოველების კრებული, მემუარები, სამეცნიერო ნაშრომი და განიცადეთ თქვენი შრომის სამზეოზე გამოტანის სიხარული!

„კალამი“ ახალი, ორიგინალური ტექსტების შედგენასაც იკისრებს - ასეთ შემთხვევაში, თქვენი იდეის ან კომერციული წამოწყების ხორცშესხმისას საიმედო პარტნიორობას გაგიწევთ! შეგვიკვეთეთ სტატია, ბროშურა, ბუკლეტი, ფლაიერი და მიიღეთ სრულყოფილი საგამომცემლო პროდუქტი!